Mae De Cymru dim ond 3 awr o ganol Llundain. Mae’n rhanbarth sy’n llawn hanes, tirweddau godidog, a chymuned groesawgar, o amgylch prifddinas Cymru, Caerdydd.

Mae gan Gaerdydd westai gwych, profiad siopa unigryw, castell anhygoel, 2 Amgueddfa Genedlaethol a llawer mwy. Mae'n ganolfan wych ar gyfer archwilio'r rhanbarth.

Un o’r pethau mwyaf hudolus am Dde Cymru yw bod gennym ni dros 30 o gestyll i ymweld â nhw.

• Y mwyaf yng Nghymru – Castell Caerffili.
• Y mwyaf hudolus – Castell Coch.
• A hyd yn oed castell a godwyd gan y Meistri Haearn, Castell Cyfarthfa.

Mae gennym rai atyniadau anhygoel, unigryw, fel Y Bathdy Brenhinol, lle mae stori arian yn cael ei hadrodd. Yna mae Stiwdios chwedlonol Rockfield lle mae bandiau fel Queen ac Oasis wedi recordio eu hits a’r Welsh Perfumery lle gallwch chi greu eich persawr eich hun wedi’i ysbrydoli gan dirluniau Cymru.

Efallai yr hoffai’r anturus hedfan drwy’r awyr yn Zip World Tower a mwynhau’r golygfeydd neu roi cynnig ar Barc Beicio Cymru. Neu gallwch roi cynnig ar y Bont Gludo unigryw yng Nghasnewydd.

Rydym yn ffodus bod gennym lawer o gynhyrchwyr bwyd lleol gwych. Dyma rai o’r cynhyrchwyr y gallwch ymweld â nhw a blasu eu cynnyrch, gan gynnwys chwe gwinllan a chynhyrchydd gin mewn castell.