Find out more about how this website uses cookies to enhance your browsing experience.
Trosolwg Rhanbarthol
Mae’r rhanbarth wedi’i rannu i ddeg ardal wahanol, pob un â’i chymeriad a’i swyn ei hun.
Mae ardaloedd Blaenau Gwent, Caerffili, Merthyr Tudful, Torfaen a Rhondda Cynon Taf yn adnabyddus am eu hanes a’u treftadaeth. Mae Sir Fynwy gerllaw yn fwy gwledig ac yn enwog am ei bwydydd a diodydd rhagorol.
Mae Casnewydd a Chaerdydd yn ddinasoedd llewyrchus sydd ag atyniadau gyda’r gorau yn y byd. Ym Mhen-y-bont ar Ogwr a Bro Morgannwg ceir cymysgedd o leoedd gwyliau glan môr, trefi marchnad a chefn gwlad hardd.
Beth am alw heibio a phrofi drosoch eich hun.
Teithio i Dde Cymru
Yn gryno ac yn hawdd mynd ato, mae De Cymru ond dwy awr i ffwrdd o Lundain ar hyd yr M4, tra bod Birmingham a Gorllewin Canolbarth Lloegr ond awr i ffwrdd o'n ffiniau.
Mae gan Dde Cymru gysylltiadau ffordd rhagorol drwy'r M4 (o Lundain a De-ddwyrain Lloegr) a'r M50/M5 (o Ganolbarth Lloegr a Gogledd Lloegr) sy'n sicrhau bod y rhan fwyaf o Brydain, gan gynnwys meysydd awyr a therfynfeydd fferïau, o fewn taith o dair awr mewn cerbyd.
Mae system ffordd gynhwysfawr yn cysylltu'r prif drefi, tra bod nifer o drefi a phentrefi yn cael eu gwasanaethu gan y rhwydwaith trenau lleol sy'n cysylltu â gorsafoedd ar brif linell y rheilffordd. Am ragor o wybodaeth ar gyrraedd, a theithio o amgylch De Cymru ewch i Travel Line Cymru
Mapiau a Chanllawiau
Does dim yn well na chynllunio o flaen llaw a threfnu manylion eich ymweliad.
Dyma rai mapiau a chanllawiau defnyddiol i gyrchfannau y gallwch eu lawrlwytho am ddim i'ch helpu i archwilio'r rhanbarth!