Tŵr Zip World a Distyllfa Penderyn

Dechreuodd yr antur yn Nhŵr ZipWorld ar safle hen Bwll Glo'r Tŵr.

Llinell Sip Phoenix yw'r llinell zip seddi gyflymaf yn y byd, ac wrth i chi hedfan i lawr o ben Mynydd y Rhigos ar draws Llyn Fawr, ar gyflymder o hyd at 50 milltir yr awr, mae gennych olygfeydd godidog o Fannau Brycheiniog.

Ar ôl yr antur hon, roedd hi'n amser cinio yn hen adeiladau'r pwll glo yn Cegin Glo Bar and Bistro - bwyd gwych gan gynnwys opsiynau fegan ac arbenigol, a chyfle i wylio eraill yn hedfan drwy'r awyr.

O'r Tŵr dim ond taith 10 munud sydd i Ddistyllfa Penderyn, am daith ddiddorol, a blasu, o'r wisgi Cymreig a gynhyrchir gyda dŵr clir, creisionllyd Cymru.

Gyrru drwy'r Dyffrynnoedd

Mae gan y daith i'r Dyffrynnoedd olygfeydd godidog, o fynyddoedd y Rhigos a'r Bwlch. Mae yna lawer o gyfleoedd i stopio am dro byr neu ddarn hirach, fel y llwybr Sky to Sea ger Nant-Y-Moel.

Nodwedd drawiadol arall yw'r rhaeadrau, ac fe wnaeth Luci stopio am nofio cyflym yn Rhaeadr Pen Pych, taith gerdded fer o faes parcio Dyffryn Pen Pych. Cliciwch yma i ddilyn y llwybr cerdded y cerddodd arni .

Nodwedd arall yw'r trefi llawn cymeriad - stopiodd Luci yn Nhreorci ar ei ffordd i Our Welsh Caravan and Camping lle treuliodd y noson. Am ginio ymwelodd â'r Llangeinor Arms , ym mhentref hanesyddol Llangeinor - adeiladau diddorol a golygfeydd godidog ochr yn ochr â chinio blasus.

Diwrnod wrth y Môr

Dechreuodd diwrnod wrth y môr ym Mae Rest, Porthcawl , gyda brecwast yn edrych dros y traeth (lle'r oedd syrffwyr yn cael hwyl). Mae Bae Rest ei hun yn faes chwarae ar gyfer barcudfyrddio, syrffio a padlo-fyrddio, ac mae yna hefyd bromenâd hardd yn rhedeg tuag at Borthcawl, lle gallwch feicio neu gerdded i lawr i'r traethau a'r baeau sy'n cofleidio'r arfordir creigiog.

O fan hyn aeth Luci ymlaen i archwilio pentref Merthyr Mawr, Castell Candleston ac yna'r twyni tywod enfawr yng Ngwarchodfa Natur Merthyr Mawr . Gan deithio ymhellach ar hyd arfordir Sir Forgannwg, stopiodd Luci ym Mae Dwnrhefn , sy'n enwog am ei hela ffosiliau ac sy'n ddiwrnod gwych allan i unrhyw un sy'n frwd dros ddaeareg. Mae'r traethau creigwely mawr yma yn llawn ffosiliau a phyllau creigiog ffrwythlon.

Yn olaf, roedd yn stop wrth Goleudy Nash Point , gyda'i glogwyni sinematig a'i olygfeydd dramatig ar draws i Orllewin Lloegr.