Archwilio Merthyr Tudful

Arosfan 1 – Parc ac Amgueddfa Cyfarthfa – castell meistr haearn trawiadol o 1824 sydd bellach yn gartref i amgueddfa gyda chasgliad o eitemau celf gain ac hanes cymdeithasol.

Arosfan 2 – Rheilffordd Mynydd Aberhonddu - Teithiwch y tu ôl i locomotif stêm hen ffasiwn drwy olygfeydd prydferth Parc Cenedlaethol Bannau Brycheiniog ar hyd Cronfa Ddŵr Taf Fechan i Ddoly-Gaer – gallwch fwynhau taith gerdded yng nghefn gwlad prydferth cyn dychwelyd ar y trên nesaf.

Arosfan 3 – Merthyr Tudful – ewch ar un o’r teithiau cerdded thema sy’n dod â hanes y Dref Haearn hon yn fyw – er enghraifft Llwybr Petticoat , i archwilio hanes menywod Merthyr, neu dilynwch Yn Ôl Traed Dic Penderyn , yr arwr, y dihiryn neu’r dioddefwr yng Ngwrthryfel Merthyr Tudful ym 1831, neu ewch Oddi ar y Cledrau , sy’n tynnu sylw at y rhan a chwaraeodd Merthyr Tudful yn natblygiad y rheilffyrdd.

Arosfan 4 – Trago Merthyr Tudful – arhosfan siopa wych am luniaeth – gallech hyd yn oed brynu rhai eitemau ar gyfer picnic yn yr arhosfan nesaf.

Arosfan 5 – Parc Taf Bargoed – parc gwledig ar hen safle pwll glo sydd wedi’i adfywio’n hafan i fywyd gwyllt a chanolfan ar gyfer gweithgareddau cymunedol – gwych ar gyfer picnic wrth i’r haul fachlud.

Mae gan Ferthyr Tudful lawer mwy i'w gynnig i ymwelwyr - yn enwedig y rhai sy'n dwlu ar antur:

• BikePark Wales yw'r ganolfan beicio mynydd orau yng Nghymru (os nad y DU).
• Mae gan Rock UK ddringo creigiau anhygoel a gweithgareddau anturus eraill i fynd i'r afael â nhw.
• Ar gyfer chwaraeon dŵr, yna rhowch gynnig ar Parkwood Outdoors Dolygaer .
• Mae'r ardal yn llawn llwybrau cerdded gwych, o Ben y Fan gerllaw (ac sydd bob amser yn boblogaidd), i lwybrau cerdded i deuluoedd o amgylch Garwnant .