Archwilio Caerdydd

Arosfan 1 – Mae gan Amgueddfa Genedlaethol Caerdydd gasgliadau celf ac arddangosfeydd anhygoel am Gymru. Gallwch dreulio cwpl o oriau yn hawdd yn archwilio’r orielau helaeth yn ogystal ag arddangosfeydd yr amgueddfa ac mae rhaglen reolaidd o ddigwyddiadau a gweithgareddau hefyd. Arosfan Cinio. Ar gau ddydd Llun.

Arosfan 2 – Saif Castell Caerdydd yng nghanol prifddinas Cymru — caer hanesyddol wedi'i lleoli mewn parcdir gwyrdd, wedi'i hamgylchynu gan siopau, caffis a strydoedd y ddinas. Ychydig o gestyll yn y byd sydd mor agos at fywyd trefol modern, gan sicrhau bod Castell Caerdydd yn un o'r atyniadau ymwelwyr mwyaf nodedig yn y DU.

Gyda bron i 2,000 o flynyddoedd o hanes o fewn ei furiau, mae'r castell yn cynnig cyflwyniad unigryw i Gaerdydd ei hun. O amddiffynfeydd Rhufeinig a thyrau canoloesol i du mewn Fictoraidd moethus, mae pob cyfnod wedi gadael ei farc ar y safle nodedig hwn.

Arosfan 3 – Mae Teithiau Cwch Caerdydd yn cynnig amrywiaeth o brofiadau glan y dŵr sy'n cysylltu Castell Caerdydd â Bae Caerdydd, ac o amgylch y Bae, felly ychwanegwch daith cwch at eich diwrnod.

Arosfan 4 – Ewch am dro o amgylch Bae Caerdydd a galwch heibio i’r Eglwys Norwyaidd a oedd gynt yn Eglwys Morwyr Norwyaidd ac sydd bellach yn un o adeiladau nodedig y Bae ac sydd â golygfeydd panoramig dros y glannau. Arosfan goffi wych.

Arosfan 5 – Wrth i chi barhau â’ch taith gerdded o amgylch y Bae, galwch heibio i Ganolfan Mileniwm Cymru . Mae’r daith fwyaf poblogaidd yn mynd â chi y tu ôl i lenni’r adeilad eiconig hwn, gan gerdded yn ôl troed y sêr. Gerllaw gallwch hefyd ymweld â’r Grefft yn y Bae neu Adeilad y Pierhead .

Ffordd wych o archwilio Caerdydd yw gyda thywysydd a all adrodd y straeon y tu ôl i'r adeiladau trawiadol a'r amrywiaeth anhygoel o weithiau celf o amgylch y ddinas a Bae Caerdydd. Ffordd arall o ddod â straeon Bae Caerdydd yn fyw yw lawrlwytho'r Llwybr Celf a Threftadaeth .